首頁 最新消息 龍舌蘭 (Tequila) 飲法指南
龍舌蘭 (Tequila) 飲法指南
發佈時間:2022-11-22

 

上次同大家簡單介紹過龍舌蘭酒 (Tequila) 的小故事,大家有沒有即刻整一杯黎飲下?Tequila 的飲法有好多種,係咪花多眼亂唔知飲邊款好呢?今日就同大家介紹幾款飲法,等大家更容易去揀!

 


Tequila+鹽和檸檬


Tequila 最常見的飲法,大概就係鹽和檸檬一齊飲用。將鹽抹係左手虎口位,並以拇指與食指夾著一塊檸檬;先舔上一口鹽,跟住迅速咁飲以Shot杯盛裝的Tequila,當酒體滑過喉嚨個陣,馬上將檸檬含係嘴入面,讓鹹味、辣味與酸味在口中交會,合成出舒服而協調的特殊風味。


純飲


對於100% Agave Tequila 黎講,純飲係最佳的飲法,亦都係最簡單直接的飲法,而且仲好有型添!可以品嚐到 Tequila 最原始的味道,一種帶有微酸的嗆辣口感,或者陳年後的圓潤焦糖香氣。至於加唔加冰塊,其實冇咩所謂,隨你個人喜好就可以。


經典調酒 ︳瑪格麗特 (Margarita)


以 Tequila 為基酒調製的雞尾酒亦都相當多,當中最經典的代表作一定係超出名的瑪格麗特 (Margarita),記著呢條公式 : 烈酒+橙酒+檸檬汁,一杯擁有完美口感的瑪格麗特就完成啦!係一杯酒入面融合咗酸、甜、鹹,飲完一啖,簡直係體驗緊人生!


經典調酒 ︳鬥牛士 (Matador)


唔飲真係唔知呀,Tequila 同鳳梨汁真係好夾架!加埋檸檬汁可以抑制鳳梨汁的甜味,令成個口感更加平衡。材料絕對係大家平時一定會見到的龍舌蘭+檸檬+鳳梨汁,呢款調酒小編私心推薦比大家。Shake 完之後,仲會有一層綿密的白色泡泡,用黎 Party 飲,絕對會炒熱個氣氛!


Tequila 的飲法真係有好多款,小編今次的分享都只係小部份!你地又有冇邊啲飲法特別中意,快啲同我地分享啦!

分享